पंहिंजो देशु

पंहिंजो देशु

देश घणई डिठा लगे पर, वरी बि प्यारो पंहिंजो देशु, इंएं डिसण लाइ सुठा घणई, रहण-कहण लाइ पंहिंजो देशु.

हूअं त लगे सभिनी खे पंहिंजी, मातृभूमि प्यारी-न्यारी, मुंहिंजी भारतभूमि लगे थी, सभिनी भूमियुनि खां प्यारी.

सभिनी खे पंहिंजे राष्ट्रगान सां, हूंदो आहे मन सां प्यारु, मुंहिंजे देश जो राष्ट्रगान पर, आहे सिदिक संधो जणु सारु.

जंहिं मिट्टीअ में जनमु आ वरितो, जंहिं में पालन-पोषण थियो. उहा मिट्टी मूंखे सभ खां प्यारी,आहे न हुन जहिड़ो को बियो.

पंहिंजे देश में शानु खुदाई, मानु खुदाई मिलंदो आ, जींअं सूरजु डिसी कमलु टिड़े थो, मन जो कमलु तीअं टिड़ंदो आ.

सभिनी खां सुठो, सभिनी खां मिठो, मूंखे लगे थो मुंहिंजो देशु, वधे-वीझे शल मौजूं माणे, प्यारो-न्यारो मुंहिंजो देशु.

पंहिंजे देश जी रक्षा खातिर, मां जी-जान लगाईंदुसि, मुंहिंजो देशु आ सभ खां प्यारो, जग सारे खे बुधाईंदुसि.

देश घणई डिठा लगे पर, वरी बि प्यारो पंहिंजो देशु , इंएं डिसण लाइ सुठा घणई, रहण-कहण लाइ पंहिंजो देशु.

-----------------------------------