सुहिणी फ़िज़ा बणायूं (2008 - Sindhi)

Introduction     Cover     Pictures     Media Coverage     Sample Poems     Ordering Information

Introduction - परिचय
"सुहिणी फ़िज़ा बणायूं" लीला टेवाणीअ जो सिन्धीअ में पहिरियों काव्य-संग्रह आहे. हिन काव्य-संग्रह में सिन्धी भाषा-मुंहिंजी मिठिड़ी भाषा, चेटी चंडु, असांजा सिन्धी लेखक-संत ऐं गायक, प्रकृत्ति-चित्रण, कुझु डिण, ज़िन्दगीअ जा अनेक पहलू, देशभक्ति वगैरह विषयनि ते कविताउनि ऐं गीतनि सां गडु भजन ऐं लाडा पिणि आहिनि. उम्मीद आहे त "कविता, गीत, भजन ऐं लाडा संग्रह जी हिन कोशिश, जेका शाइद सिन्धी काव्य जगत में पंहिंजे तरह जी पहिरीं कोशिश आहे, खे सभिनी जो प्यारु ऐं आशीर्वादु मिलंदो.

Cover

Front	Back

Pictures from the book's release on 20-Sep-2008

Click on the thumbnails for a bigger image.

Media Coverage

Dil-E-Sindh

Sindhi Gulistan

Sample Poems
जागु भारतवासी जागु
जागु भारतवासी जागु
जागु त लगई भागु
अजु असां
करे चुका आहियूं
तरक्की घणी
पर,
असांखां खसिजी वई आ
इंसानियत जी मणी

असांखे कम्प्यूटर जहिड़ियुनि
अनेक खोजनाउनि जी
पूरी-पूरी जाण आहे
पर,
असीं भुलिजी विया आहियूं
दिलियुनि जे मधुर रिश्तनि जी
दिलकश मिठास

असांखे खासी बीट आहे
बाहिरियनि बननि जी
पर,
विसारे वेठा आहियूं
पंहिंजे मन जे
अंदर जो कोमल अह्सासु

घणई नयूं गाल्हियूं सिखी बि
कढी न सघिया आहियूं
अंधविश्वासु

अजु बि
बिलीअ जो रस्तो कटणु
असां लाइ आहे खासमखास
पर,
भ्रूण-हत्या ज़रिए
अणजावल नियाणियुनि जी
हत्या
नथी करे
असांखे बेज़ार ऐं उदास

असां आता आहियूं
मंगल ग्रह ते
वञण ऐं वसण लाइ
पर,
नथा ओरांगे सघूं
डाजे जो डूंगरु,
प्रदूषण जो फैलाउ,
जन्संख्या जो विस्तारु,
भेदभाव ऐं नफ़रत जो अंबारु,
सोचियो त सहीं,
कीअं मिलंदो,
मानवता जो मागु
जागु भारतवासी जागु
जागु त लगई भागु
-----*-----

धन्यवाद हे जग जा साईं
धन्यवाद हे जग जा साईं,
तूं ई महिर जा मींहं वसाईं।
हर हिकु वर्ण-अखरु आ तुंहिंजो,
हर हिक भाव-विचार आ तुंहिंजो.
तूं ई झले कलमु साईं हथ में,
हथ खे झले कविता लिखाराईं -धन्यवाद हे जग ----
तुंहिंजी इच्छा बिना पत्तो न हिलंदो,
तुंहिंजी इच्छा बिना चपु न चुरंदो.
तूं ई घट में तूं ई मन में,
सभु कुझु थींदो जे तूं चाहीं -धन्यवाद हे जग----
तूं ई करण-कराइण वारो,
तूं ई जग जो मालिकु आहीं.
तूं ई कविता में रस खे रसाईं,
तूं ई पाण किताबु छपाराईं - धन्यवाद हे जग----
जीअं हलाईंदे हलिबो साईं,
तुंहिंजे हुकुम में रहिबो साईं.
तुंहिंजी रज़ा में राज़ी रहिबो,
तूं ई सभ सां भाल भलाईं - धन्यवाद हे जग----
तूं ई सृष्टि उपाईं साईं,
सारी सृष्टि सजाईं साईं.
तूं सुहिणो तुंहिंजी रचना सुहिणी,
तूं ई सुहिणी फ़िज़ा बणाईं - धन्यवाद हे जग----
-----*-----

Ordering Information
Please contact on leela.tewani@gmail.com for ordering copies of the book. Prices are as below.
Delivery to India : Rs. 99 + Postage & Handling
Delivery to Australia : AUD 4.99 + Postage & Handling
Delivery to U.S.A. and rest of the world : USD 4.99 + Postage & Handling