ध्यान जी महिमा अपरम्पार

सिन्धी कविता - लेखिका लीला टेवाणी

हिकिड़े डींहुं अखबार में पढ़ियो मूं, ध्यान जी महिमा अपरम्पार.
मूं सोचियो मां ध्यानु लगायां, डिसां त आज़माए हिक वार.
ध्यानु लगायुमि अखड़ियूं बूटे, चैनी पासे थियो अंधकारु.
पर अंधकार में मनु मोहींदड़ु, आनंदु थियो निकिरी निर्वारु.
थधिड़ी हीर जे झोंके सां जणु, शीतल हवा कयो हो प्यारु.
बंसी वजाईंदो, रास रचाईंदो, साम्हूं आयो कृष्ण-मुरारु.
मोरमुकुट पीताम्बर वारो, भक्तिअ-शक्तिअ जो अवतारु.
अहिड़ी लीला रची प्रभुअ हुई, आयो थी गांयुनि जो धनारु.
कडंहिं नचे पियो राधा सां गडु, कडंहिं साणु वठी बाल-गोपाल.
कडंहिं सखियुनि सां छेड़छाड़ करे, मुंहिंजो प्यारो यशोदा जो लालु.
मुंहिंजो हथु पकड़े मोहन चयो, मूंसां गडु नचु मुंहिंजी प्यारी.
वरितो मूं बि मज़ो हुन रास जो, मोहन तां मां सद्बलिहारी.
ध्यान में अहिड़ी मौज मिली जो, तन-मन खे मिली मौज-बहार.
छोन बुधायां दुनिया खे मां, ध्यान जी महिमा अपरम्पार.