मोहनु प्यारो आयो आ

मोहनु प्यारो आयो आ

  (तर्ज़-खूब लड़ी मर्दानी वह तो झांसी राणी रानी थी---------)

  किरशिनु कारो मुरलीअ वारो मोहनु प्यारो आयो आ
  किरशिनु कारो, किरशिनु कारो, किरशिनु कारो आयो आ-

1.दुष्टनि जे ज़ुल्मनि सां हाहाकार मती हुई भारत में,
  संत-महंतनि ते कहरी ककरीअ जो अंधेरो भारत में,
  जनमु वठी ऊंदाही रात में करण सोझिरो आयो आ,
  किरशिनु कारो मुरलीअ वारो मोहनु प्यारो आयो आ।

2.संतनि पिये बाडायो मालिक मुक्तिअ जो को सायो कयो,
  ज़ालिम जे ज़ुल्मनि खां हाणे देश सजे खे आज़ो कयो,
  जेल में जनमु वठी भक्तनि खे मुक्ति डियारण आयो आ,
  किरशिनु कारो मुरलीअ वारो मोहनु प्यारो आयो आ |

3.कंस जे कहिर खां मोहन प्यारे देश सजे खे आज़ो कयो,
  पूतना-शकटासुर जहिड़नि असुरनि जो पुणि निस्तारो कयो,
  कालिया नांग खां मुक्ति डियारे प्रेमु सेखारण आयो आ,
  किरशिनु कारो मुरलीअ वारो मोहनु प्यारो आयो आ |

4.मुरलीअ सां मस्तानु बणाए मनु सभिनी जो मोहे छडियो,
  रास रचाई गोपियुनि सां ग्वालनि खे मखण सां तृप्त कयो
  राधा राणीअ जे मन जो राणो थी मोहनु आयो आ,
  किरशिनु कारो मुरलीअ वारो मोहनु प्यारो आयो आ |

5.ज्ञानु डई गीता जो मोहन राह डेखारी अर्जन खे,
  कायरता खां करे किनारो वीरु बणायो अर्जन खे,
  जीवन जी सच्चाई छाहे इहो बुधाइण आयो आ,
  किरशिनु कारो मुरलीअ वारो मोहनु प्यारो आयो आ |

6.राजाउनि जो राजा थी पुणि प्रीत निभाई सुदामे सां,
  द्रोSपदीअ जी लाज बचाई प्रीत निभाई भगतनि सां,
  गज खे ग्राह खां पाण छडाए जग खे तारण आयो आ,
  किरशिनु कारो मुरलीअ वारो मोहनु प्यारो आयो आ |

7.किरशिन जी लीलाउनि जो मां कहिड़ो-कहिड़ो वखाणु करियां,
  नमस्कारु करे सीसु निवाए जिंदुड़ी मां कुर्बान करियां
  महिर जा मींहं वसाइण वर-वर खुशियूं वधाइण आयो आ,
  किरशिनु कारो मुरलीअ वारो मोहनु प्यारो आयो आ |

8.मीरा जो गिरधर-गोपाला सूरदास जो प्यारो प्रभु,
  श्यामु मुरारी गिरवरधारी यशोदा-नंद-दुलारो आ,
  देवकी-वसुदेवनंदन माधव बांकेबिहारी आयो आ,
  किरशिनु कारो मुरलीअ वारो मोहनु प्यारो आयो आ |

9.अजु आ जनमुडींहुं मोहन जो प्यारे प्रभुअ खे याद करियूं,
  गीत खुशीअ जी गायूं प्रभुअ जी आसीसुनि सां झोल भरियूं,
  मुरली मधुर वजाए मोहनु रास रचाइण आयो आ,
  किरशिनु कारो मुरलीअ वारो मोहनु प्यारो आयो आ |