भगवानु
दीन-दुखियनि लाइ सहारो आहे भगवानु,
बुडंदड़नि लाइ किनारो आहे भगवानु।
जे सिदिक सां सडड़ा कयूं साईंअ खे,
झटपट डोड़ी ईंदो आहे भगवानु।
असीं पंहिंजो दुख-दर्दु बुधायूं-न-बुधायूं,
अंतर्यामी आ सभु कुझु समिझंदो आहे भगवानु।
असीं प्रेम जो हिकु डियो बारे त डिसूं,
खुशियुनि जो सूरजो चिमिकाईंदो आहे भगवानु।
असीं भलि हुनखे याद न करे सघूं,
पंहिंजनि प्यारनि खे कीन विसारींदो आहे भगवानु।
तूं-ई-तूं जी रट लगायूं त सहीं,
हरकंहिं में नजर ईंदो आहे भगवानु।
हुनजे दीदार लाइ मन में थोरी प्यास त रखूं,
महिर जा मींहड़ा वसाईंदो आहे भगवानु।
कंहिं गरीब-मिस्कीन लाइ हिक भूंगी त अडाए डिसूं,
रहिमवान थी महिलात अडाईंदो आहे भगवानु।
कंहिंखे हिकु बुकु त सिक सां डई डिसूं
मणनि जा अंबार लगाईंदो आहे भगवानु।
असीं चोज विचां बाडाए त डिसूं,
कंहिं-न-कंहिं रूप में दर्शनु डींदो आहे भगवानु।
No comments:
Post a Comment